Breaking News
नेपाली विद्यार्थीहरूलाई अत्यावश्यक कामबाहेक बाहिर ननिस्कन बंगलादेशको ढाकास्थित नेपाली राजदूतावासको अनुरोध    ||     ७०.१८ अंकले बढ्यो नेप्से    ||     एकल बच्चा हुर्काउँदै हुनुहुन्छ, केके कुरामा ध्यान दिनु जरुरी छ?    ||     गायिका नम्रता खरेलको स्वरमा’माया पिरतीको गाउँ ’ सार्वजनिक    ||     रायोको सागको मुल्य बढ्दै    ||     लगातार दोस्रो दिन पनि सुनको मुल्यले बनायो नयाँ रेकर्ड    ||     सेयर खरिद बिक्री गर्न अब ब्रोकरको आफ्नै टिएमएस सञ्चालनमा आउँदै    ||     पशुपतिनाथ मन्दिरमा साउन महिनामा हुने भक्तजनको भिडभाड व्यवस्थापनको सबै तयारी पुरा    ||     आज साउने १ गते सङ्क्रान्ति पर्व तथा लुतो फाल्ने दिन    ||     ‘तेल भिसा’को प्रदर्शन मिति हेरफेर    ||    

अग्रेजी वर्ष सन् २०२५ लाई मुन्दुम ट्रेल भ्रमण वर्षका रूपमा मनाइने

  •   २ हप्ता अघि | २३ असार २०८१, आइतवार

असार २३, काठमाडौँ । आउँदो अग्रेजी वर्ष सन् २०२५ लाई मुन्दुम ट्रेल भ्रमण वर्षका रूपमा मनाइने भएको छ । मैयुङ टेम्के साल्पा सिलिचुङ टुरिजम प्रोमोसन सेन्टरका अध्यक्ष रमेशकुमार राईले पर्यटन बोर्डमा आयोजित एक कार्यक्रममा सन् २०२५ लाई मुन्दुम ट्रेल भ्रमण वर्ष मनाउने तयारी भएको जानकारी दिएका हुन । 

उनका अनुसार सात वर्षदेखि ट्रेलको प्रवर्द्धन र प्रचारप्रसार गर्दै आएक र सन् २०२५ मा आन्तरिक तथा बाह्य गरी एक लाख पर्यटक भित्र्याउने उदेश्यसहित भ्रमण वर्ष मनाउन लागिएको हो ।

भ्रमण वर्ष मनाउन लागि अहिले बस्न, खाना, शौचालय, खानेपानी, पार्टीपौवालगायतको सङ्ख्या बढाउन र सेवा सुविधा थप्न आवश्यक छलफल भइरहेको छ ।

भ्रमण वर्षको मुख्य आकर्षणमा सुन्तला, गोठस्टे, साकेला उभौली र उधौली, धामी, रुद्राक्षलगायत महोत्सव आयोजना गर्ने आयोजकको योजना रहेको छ छ । मुन्दुम ट्रेलमा किराती बाहुल्य खोटाङ, भोजपुर, सङ्खुवासभा, सोलुखुम्बुलगायत पर्यटकीय क्षेत्रहरू पर्दछन् । यो ट्रेल सहज पदमार्गका रूपमा परिचित रहेको छ । मुन्दुम ट्रेल सांस्कृतिक मार्ग भएकाले यो अरु मार्गभन्दा भिन्न रहेको र त्यसको ब्राण्डिङगर्नुपर्ने आवश्यकता रहेको छ । 

  • न्युज बहार संवाददाता

थप