भदौ ७, काठमाडौँ । पर्यटन प्रवर्धनका लागि नेपाल एसोसिएसन अफ टुर एण्ड ट्राभल एजेण्ट्स (नाट्टा) र एसोसिएसन अफ भुटानीज टुर अपरेटर्स (एबिटिओ) बीच सहमति पत्रमा हस्ताक्षर भएको छ।
भूटानको
पारोस्थित डुङ्कर द्जोङमा आयोजित कार्यक्रममा एबिटिओका अध्यक्ष किन्ले ग्याल्त्सेन
र नाट्टाका अध्यक्ष कुमारमणि थपलियाले सम्झौतामा हस्ताक्षर गरेका हुन्।
दुवै
देशले सम्झौताअनुसार पर्यटन क्षेत्रमा आपसी जानकारी आदान–प्रदान, सीप तथा अनुभव साझेदारी गर्दै
तालिम, कार्यशाला, संयुक्त कार्यक्रम र प्रचार–प्रसार गतिविधि सञ्चालन गर्ने
छन्।
सहकार्यले नेपाल–भुटानबीचको पर्यटन सम्बन्धलाई बलियो बनाउने अपेक्षा गरिएको
छ।
- न्युज बहार संवाददाता
