असोज १६, चितवन । चितवन राष्ट्रिय निकुञ्ज अन्तर्गत सौराहा क्षेत्रमा पुनः जीप सफारी खुला गरिएको छ । ३२ वटा जीपले सौराहा क्षेत्रबाट सफारीका लागि अनुमति पाएका छन् ।
आजदेखि सौराहा क्षेत्रमा जीप सवारी खुला गरिएको र क्रमशः भत्किएका सडक मर्मत गरेर अन्य स्थानबाट पनि खुला गरिने जानकारी निकुञ्जका सूचना अधिकारी गणेश तिवारीले दिएका छन ।
चितवन घुम्न आउने पर्यटकको पहिलो रोजाइ निकुञ्जमा जीप सफारी हुने गरेको सूचना अधिकारी तिवारी बताउँछन । मध्यवर्ती सामुदायिक वनमा यसका अतिरिक्त निकुञ्जमा पैदलयात्रा, हात्ती सफारी, राप्ती नदीमा डुङ्गा सयरलगायतका पर्यटकीय गतिविधि यहाँ हुने गरेको छ । निकुञ्जमा रहेको दुर्लभ बाघ, एकसिङ्गे गैँडा पर्यटकको मुख्य रोजाइमा पर्दछन् ।
