पुस १९, काठमाडौँ । हाइ अल्टिच्युडको प्याराग्लाइडिङ स्कुल नेपालमै
पहिलोपटक सञ्चालनमा आएको छ।
बाबु
एडभेञ्चर प्याराग्लाइडिङ कम्पनीले लमजुङको दोर्दी गाउँपालिका-८ थोँतीमा हाइ
अल्टिच्युडको प्याराग्लाइडिङ स्कुल सञ्चालनमा ल्याएको हो। यस स्कुल तीन हजार ९ सय मिटरको उचाइमा
सञ्चालनमा आएको हो भने याहाँ हाइ अल्टिच्युडमा प्याराग्लाइडिङ गर्न चाहनेहरूले
तालिम लिन सक्नेछन्।
कम्पनी
सञ्चालक सानोबाबु सुनुवारका अनुसार नागरिक उड्डयन प्राधिकरणको स्वीकृति र स्थानीय
तहसँगको सहकार्यमा स्कुल सञ्चालनमा ल्याएका हुन । स्कुलमा उच्च हिमाली हावापानीमा
कसरी प्याराग्लाइडिङमा उड्ने, कसरी उडाउने भन्नेबारे सिकाइने
उनले बताए ।
यस
स्थानमाप्याराग्लाइडिङ स्कुलका लागि आवश्यक पूर्वाधार तयारीमा दोर्दी गाउँपालिकाले
समेत सहयोग गरेको छ भने गाउँपालिकाका अध्यक्ष युवराज अधिकारीले अन्य सुविधाहरू पनि
क्रमश: विस्तार गरिने बताएका छन ।
गाउँपालिका अध्यक्ष अधिकारा अनुसार गाउँपालिकामा
रहेको भेडीगोठ सहितका अन्य गन्तब्यको पर्यटकीय प्रवर्द्धन गर्नका लागि पनि
प्याराग्लाइडिङ स्कुल महत्वपूर्ण हुने छ।
- न्युज बहार संवाददाता
