बैशाख ३०, बागलुङ। वरपर जङ्गल र बस्तीले घेरिएको र बिचमा शान्त वातावरणमा बसेको छ बराह ताल । शान्त वातारण, स्वच्छ हावापानी र चिरबिर चराचुरुङ्गीको मिठो र मधुर आवाजले त्याहाँ जने जो केहीको मन फुरुङ्ग बनाउँछ ।
प्राकृतिक सुन्दरताले भरिपूर्ण बराह ताल बागलुङ नगरपालिका-१० भकुन्डेमा अवस्थित छ । जिल्ला सदरमुकाम बागलुङ बजारबाट सबैभन्दा नजिकको बराह ताल एक हजार तीन सय २६ मिटरको उचाइमा रहेको छ ।
बजार एरिया र सदमुकाम को नजिकै भएको हुनाले याँहा आन्तरिक पर्यटकको घुईचो लाग्ने गर्दछ।अहलेको समयमा दिनप्रतिदिन यहाँ घुम्न पुग्नेको आन्तरिक पर्यटक र बाह्य पर्यटकको सङ्ख्या बढिरहेको छ । पैदल र गाडी सहजै पुग्न सकिने हुँदा बराह तालप्रति आन्तरिक पर्यटक आकर्षित भएका छन भने ताललाई थप व्यवस्थित गरेपछि यसको सुन्दरतामा अझै निखार आएको स्थानियहरु बताउँछन।
बागलुङ बजारबाट आधा घण्टा गाडीमा र पैदल गए करिब साढे एक घण्टामा बराह ताल पुग्न सकिन्छ।
- न्युज बहार संवाददाता
