भदौ १७, काठमाडौँ । हुम्लामा नेपाल नागरिक उड्डयन प्राधिकरणको निर्णयका कारण हवाई उडान नहुँदा नाबालकको मृत्यु भएपछि उच्च अदालत पाटनमा प्राधिकरणका महानिर्देशक प्रदीप अधिकारीविरूद्ध रिट दर्ता भएको छ।
आइतबार प्राधीकरणका महानिर्देशक अधिकारी समेतलाई विपक्षी बनाएर अधिवक्ता गणेशबहादुर ओलीले रिट दायर गरेका हुन्।
साउन १२ गते प्राधिकरणले देशका विभिन्न २९ वटा विमानस्थलमा दिउँसो साढे १२ बजेपछि हवाई उडानमा रोक लगाउनेसहित पाँच बुँदे निर्णय गरेको थियो।
अधिवक्ता ओलीले हुम्ला, सिमकोट गाउँपालिका-६ का ६ महिने बालक इमरान सुनारको प्राधीकरणको हचुवाको भरमा गरिएको निर्णयका कारण मृत्यु भएको रिटमा उल्लेख गरेका छन्।
- न्युज बहार संवाददाता
