असोज ११, काठमाडौँ । सरकारद्वारा पोखरामा सञ्चालित साहसिक खेल अल्ट्रालाइट प्रा.लि. सम्मानित भएको छ । बुधबार संस्कृति, पर्यटन तथा नागरिक उड्डयन मन्त्रालयले विश्व पर्यटन दिवस २०२३ को अवसरमा अघिल्लो वर्ष पर्यटन क्षेत्रमा सबैभन्दा बढी योगदान गरेका कम्पनीहरुलाई सम्मान गरेको हो ।
पोखरा अल्ट्रालाइट सहित अन्य विभिन्न क्षेत्रका कम्पनीहरूलाई बुधबार आयोजित कार्यक्रममा पर्यटनमन्त्री सुदन किराँतीले सम्मानित गरेका हुन् ।
सन् २०२२ अगस्ट १ देखि २०२३ अगस्टसम्ममा अल्ट्रालाइटले साहसिक खेलअन्तर्गत सबैभन्दा बढी विदेशी मुद्रा आर्जन गर्न सफल भएकाले सम्मानित भएको हो । सो वर्षमा यस कम्पनीले ४४ हजार ३८८ अमेरिकी डलर आर्जन गरेको बताइएको छ ।
- न्युज बहार संवाददाता
