भदौ २१, काठमाडौँ । चिकित्सकले काठमाडौँ महानगरपालिका वडानम्बर १६ का वडाध्यक्ष मुकुन्द रिजालको मृत्यु भाइरल निमोनियाबाट भएको बताएका छन् ।
रिजालको काठमाडौँको धापासीस्थित ग्राण्डी अस्पतालमा उपचार बइरहेको बेला आज बिहान ७:३० बजे निधन भएको थियो ।
चिकित्सकहरुले सुरुमा उनलाई श्वासप्रश्वासको समस्या देखिएको र त्यसपछी उनमा रगतको संक्रमण र मिर्गौलामा पनि असर परेको बताएका छन् ।
डाक्टरहरुले वडाअध्यक्ष रिजालको समस्यालाई चिकित्सकिय भाषामा ‘सेप्सिस’ भनेका छन् । ग्राण्डी अस्पतालका एक चिकित्सकले भने ‘उहाँलाई भएको समस्यामा डेंगी पनि थपियो होला त्यो अलग कुरा हो तर डेंगीले मृत्यु भएको चाहिँ होइन, भाइरल संक्रमणको कारणले हो ।’
- न्युज बहार संवाददाता
