चैत ५, काठमाडौँ । त्रिभुवन विश्वविद्यालय अन्तर्गतका कलेजहरुमा स्वतन्त्र विद्यार्थी युनियनको निर्वाचन आज सम्पन्न भएको छ । त्रिविका ६२ वटा आंगिक क्याम्पस मध्ये केहीबाहेक सबैमा मतदान सकिएको जानकारी प्राप्त भएको छ। 

केही क्याम्पसहरूमा आन्तरिक विवादका कारण मतदान हुन नसके पनि धेरै जसो क्याम्पसमा सान्तिपुर्ण तरिकाले  मतदान सम्पन्न भएको छ। प्रारम्भिक विवरणले रोकिएका कलेजहरु बाहेकको कलेजहरुमा ६० प्रतिशत मत खसेको देखाएको छ । 

निकै उत्साहजनक रूपमा मतदान सम्पन्न भएको त्रिवि विद्यार्थी कल्याण तथा खेलकुद निर्देशनालयका निर्देशक प्राध्याक पशुपति अधिकारीले बताएका छन । 

उनले कहि कतै कुनै अप्रिय घटना नभइकन निर्वाचन सम्पन्न भएको बताएका छन। केही स्थानहरूमा निर्वाचन प्रक्रिया रोकिएको तर, केही दिनभित्रमा सम्पन्न हुने उनको भनाई रहेको छ । 

स्ववियुकै इतिहासमा पहिलो पटक शान्तिपूर्ण वातावरणमा स्ववियु निर्वाचन सम्पन्न भएको निर्देशक अधिकारीले बताएका छन। मत कम खसेपनि कुनै पनि अप्रिय घटना नभएको उनको भनाई छ।

• न्युज बहार संवाददाता