चैत
३, काठमाडौँ। आज देशको उपराष्ट्रपति पदको निर्वाचनका लागि मतदान हुँदैछ।
सहायक
निर्वाचन अधिकृत अमृताकुमारी शर्माले आज नयाँ बानेश्वरस्थित संघीय संसद् भवनको
ल्होत्से हलमा हुने मतदानका लागि सम्पूर्ण तयारी पूरा भएको जानकारी दिएकी छिन।
उपराष्ट्रपति निर्वाचनका लागी अष्टलक्ष्मी शाक्य (बोहरा) नेकपा एमाले, ममता झा जनमत पार्टी र रामसहायप्रसाद यादव जनता समाजवादी पार्टीवाट उम्मेदवार रहेका छन्।
शुक्रवार
बिहान १० बजे देखि अपराह्न ३ बजेसम्म हुने मतदान को समय तोकिएको छ भने मतदान
केन्द्रमा संघीय संसद्का सदस्य र प्रदेशसभा सदस्यका लागि बेग्ला–बेग्लै मतदान केन्द्र पनि तोकिएको छ ।
संघीय संसद्का सदस्यले रातो मसी र प्रदेशसभा सदस्यले मतदान गर्ने प्रयोजनका लागि हरियो मसीले उपराष्ट्रपति निर्वाचनमा मतपत्र छपाइ गरिएको छ।
सहायक निर्वाचन अधिकृत शर्माले मतदान सम्पन्न भएलगत्तै मतगणना सुरु हुने जानकारी दिइन्।
- न्युज बहार संवाददाता
