कार्तिक १५, काठमाडौँ । आज पुनः योगराज ढकाल (रिगल)लाई कैद मिनाह गरी आममाफी दिने निर्णयविरुद्धमा सुनुवाइ हुने भएको छ । यो मुद्दा मंगलबार सर्वोच्च अदालतमा सुनुवाइ सम्पन्न नभएपछि हेर्दाहेर्दैमा राखिएको थियो ।
मंगलबार न्यायाधीशहरू सपना प्रधान मल्ल, ईश्वरप्रसाद खतिवडा र कुमार चुडालको संयुक्त इजलासमा भएको सुनुवाइमा सरकारी पक्षले बहस गरेका थिए ।
सरकारका तर्फबाट मंगलबार महान्यायाधिवक्ता डा दिनमणि पोखरेल, नायब महान्यायाधिवक्ता सञ्जिवराज रेग्मी र नायब महान्यायाधिवक्ता विश्वराज कोइरालाले बहस गरेका थिए । अब यस मुद्दामा बाँकी सुनुवाइ आज हुनेछ ।
- न्युज बहार संवाददाता
