चैत २०, काठमाडौँ । उपप्रधानमन्त्री एवम्
गृहमन्त्री रवि लामिछानेको सहकारी संस्थाको रकम अपचलनमा नाम मुछिएको विषयमा छानबिन
गर्न संसदीय समिति गठनको माग नेपाली कांग्रेसले दोहोर्याएको छ ।
कांग्रेसले
रास्वपा सभापति लामिछाने गृहमन्त्री हुनासाथ छानबिन प्रक्रिया रोकिएको भन्दै यसबाट
विश्वासको संकट उत्पन्न भएको जनाएको हो ।
कांग्रेसका
सांसद रामकृष्ण यादवले आज मंगलबारको प्रतिनिधि सभाको बैठकको सुरुमा बोल्दै भने, ‘सत्यतथ्य बाहिर नल्याएमा यसले
तपाईंलाई कहिल्यै छोड्ने छैन त्यसैले आरोप टुंग्याउन सहयोग गर्नुहोस् ।’
सांसद
यादवले विगतमा सहकारीको पैसा अपचलनमा लामिछानेको नाम जोडिएर सार्वजनिक हुँदा
तत्कालीन गृहमन्त्री नारायणकाजी श्रेष्ठ र प्रहरी प्रमुखले संसदीय समितिको बैठकमा
छानबिन भइरहेको बताएको तर अहिले उक्त छानबिन प्रक्रिया अवरुद्ध भएको बताएका हुन ।
- न्युज बहार संवाददाता