कार्तिक ११, पोखरा । फिर्के खोला मिचेर बनाइएको संरचना भत्काउन पोखरा महानगरपालिकाले सूचना निकालेको छ ।
यसअघि महानगरले नाप जाँच गरेर खोला घरका संरचना छुट्टाएको थियो । सोही नाप जाँचका अनुसार अहिले सबै संरचना ३५ दिनभित्र भत्काउन सूचना जारी गरिएको हो ।
महानगरले सार्वजनिक गरेको सुचनामा भनिएको छ ‘यो सूचना प्रकाशित भएको मितिले ३५ दिन भित्र यस अघि महानगरबाट खटिएको प्राविधिक टोलीले स्थलगत नाप जाँच गरी पोल गाडिएको भन्दा भित्र पर्ने स्थायी तथा अस्थायी संरचनाहरू पूर्ण रुपमा हटाउनुहुन सार्वजनिक सूचना जारी गरिएको छ, यसै सूचना साथ उल्लेखित मिति भित्र संरचनाहरू नहटाएमा महानगरपालिका आफैले हटाउने र सो क्रममा लाग्ने लागत समेत सम्बन्धित व्यक्ति वा संस्थाले सरकारी बाँकी सरह भुक्तानी गर्नुपर्ने ब्यहोरा जानकारी गराइन्छ।’
- न्युज बहार संवाददाता
