असार ५, काठमाडौँ । आजको प्रतिनिधी सभाको बैठकमा बोल्दै नेकपा एमालेका सांसद गोकुल बास्कोटाले कसैले लेखेर दिएको चिकर्टोको भरमा अर्थमन्त्रीले बजेट निर्माण गरेको आरोप लगाएका छन् ।
आज को बैठकमा शहरी विकास मन्त्रालयको मन्त्रालयगत बजेटमाथि संसदमा भएको छलफलमा खर्च कटौतीको प्रस्ताव पेश गर्दै एमाले सांसद बास्कोटाले बजेटको समन्यायिक वितरण नभएको बताए ।
बास्कोटाले भने ‘कसैले चुरोटको बट्टाको चिर्कटोमा लेखेर दिएअनुसार अर्थ मन्त्रालयले बजेट राख्दा बजेटको समन्यायिक वितरण नभएको हो।’ उनले पुन प्रश्न गर्दै भन्छन ‘कसले दियो त्यो चिर्कटो, अर्थमन्त्री डा. प्रकाशशरण महत र शहरी विकासमन्त्री सीता गुरुङलाई?’
उनी पुन प्रकाश सपुतको गिति लयमा अर्थमन्त्रीलाइ प्रशन थप्दै भन्छन ‘प्रकाश सपुतलाई सम्झिएर सोध्नुपर्ने भयो, यो आँखै खाने चश्मा तिम्लाई कसले किन्दियो ?
अन्तिममा उनले चेतावनीको भाषामा विनम्रतापूर्वकभने ‘मैले कालो झण्डा लिएर उभिनु नपरोस्।’
- न्युज बहार संवाददाता
