फागुन ३०, काठमाडौँ। निर्वाचन आयोगले आज राति १२ बजेदेखि प्रचारप्रसार निषेधको अवधि आगामी चैत ३ मा तय गरिएको उपराष्ट्रपति पदको निर्वाचनका लागि लागू हुने जनकारि दिएको छ। मतदान हुने दिनभन्दा ४८ घण्टा अगावै देखि प्रचारप्रसार निषेधको अवधि लागू गरिएको हो।
उपराष्ट्रपति
निर्वाचनका लागि आयोगले निर्वाचन आयोग ऐन, २०७३ को दफा २२ ले दिएको अधिकार
प्रयोग गरी यही २०७९ फागुन १७ गतेदेखि चैत ५ गतेसम्म कायम रहने गरी निर्वाचन
आचारसंहिता, २०७९
जारी गरिसकेको छ ।
निर्वाचनलाई स्वच्छ, पारदर्शी, स्वतन्त्र, विश्वसनीय, निष्पक्ष तथा भयमुक्त वातावरणमा सम्पन्न गर्न उक्त आचारसंहिताबमोजिम निषेधको अवधि लागू हुने आयोगका प्रवक्ता शालिग्राम शर्मा पौडेलले जारी गरेको विज्ञप्तिमा उल्लेख छ।
- न्युज बहार संवाददाता
