वैशाख १५, काठमाडौँ । शिक्षक आन्दोलनको मुख्य एजेन्डा सरकार परिवर्तनका हो कि भन्ने लाग्न थालेको टिप्पणी नेकपा एमालेका उपमहासचिव प्रदीप ज्ञवालीले गरेका छन् । उपमहासचिव ज्ञवालीले शिक्षक आन्दोलन जटिल र विचलित हुन थालेको औंल्याएका छन् ।
यस विषयमा ज्ञवालीले सामाजिक सञ्जाल फेसबुकमा लेखेका छन् । ‘शिक्षक आन्दोलन क्रमशः जटिल र कतिपय सन्दर्भमा विचलित हुन थालेको देखिँदैछ । सडकमा लागेका कतिपय नारा, अभिव्यक्ति र शैली शैक्षिक कम, राजनीतिक बढी देखिन/सुनिन थालेका छन् । कतिपय शिक्षक साथीहरूका लागि विद्यालय शिक्षा विधेयक या आफ्ना पेसागत माग होइन, शिक्षामन्त्रीको राजीनामा या सरकार परिवर्तन मुख्य एजेन्डा लाग्न थालेको छ।’
- न्युज बहार संवाददाता
