माघ २३, काठमाडौँ । काठमाडौँ महानगरपालिका विभिन्न क्षेत्रभित्र ‘आर्टिफिसियल इन्टिलिजेन्स’ अर्थात एआई जडित ‘क्लोज सर्किट टेलिभिजन’ (सीसीटीभी) क्यामरा जडान भएका छन् ।
उक्त आर्टिफिसियल इन्टिलिजेन्स’ अर्थात एआई जडित सीसीटीभी क्यामराले ‘अटोमेटिक नम्बर प्लेट रिकग्नाइजेसन’ (एनएफपीआर) र ‘फेसियल रिकग्नाजेसन सिस्टम’ (एफआरएस) जस्ता सुविधा प्रधान गर्ने महानगरपालिकाले जनाएको छ ।
नेपाल प्रहरीसँगको सहकार्यमा महानगरपालिकाले क्यामरा जडान गरेको हो । यस क्यामराहरुले घटनासँग सम्बन्धित व्यक्ति तथा वस्तु पहिचान गर्न र तिनीहरू कसरी गए, कता गए भन्ने दृश्य समेत उपलब्ध गराउँछ ।
महानगरका अनुसार यस्ता विशेषता भएका क्यामरामध्ये तीन ठाउँमा एनएफपीआर (सवारीसाधन र चालक सम्बन्धी दृश्य तथा विवरण दिने) र १० ठाउँमा एफआरएस (घटनासँग सम्बन्धित व्यक्तिका बारेमा विवरण र दृश्य दिने) क्यामरा राखिएको छ ।
- न्युज बहार संवाददाता
