वैशाख २२, काठमाडौँ । भारतको किट विश्वविद्यालयमा नेपाली विद्यार्थीको लगातार मृत्यु हुनुको सत्य तथ्य खोजी गर्न नेकपा माओवादी केन्द्रका सांसद देवेन्द्र पौडेलले माग गरेका छन् ।
पूर्व शिक्षामन्त्री समेत रहेका पौडेलले आजको प्रतिनिधिसभा बैठकमा बोल्दै यस विषयमा सत्य तथ्य खोजी गर्न माग गरेका हुन ।
उनले भने– ‘प्रकृति लम्सालको मृत्युको घाउ नसुक्दै अर्का प्रिसा शाहको दुःखद निधन भएको छ, १२ सय नेपाली अध्ययनरत उक्त विद्यालयमा भएको घटनामा अनुसन्धान भइरहेको भनेर मात्र पुग्दैन । सत्य तथ्यको खोजी गर्नुपर्छ ।’
- न्युज बहार संवाददाता
