असोज
२, काठमाडौँ । नेकपा (एमाले)का अध्यक्ष तथा
पूर्वप्रधानमन्त्री केपी शर्मा ओली नेपाली सेनाको सुरक्षाबाट बाहिरिएको पुष्टि
भएको छ।
भदौ २४ गते जेनजी आन्दोलन हिंसात्मक
बनेपछि उनले प्रधानमन्त्री पदबाट राजीनामा दिएका थिए र त्यसै दिन बालुवाटार छाडेका
थिए। त्यसयता उनी सेनाको सुरक्षा घेराभित्र शिवपुरीस्थित निवासमा बस्दै आएका थिए।
तर,
हाल
उनी गुन्डु क्षेत्रमा बसिरहेको सुरक्षा स्रोतले जानकारी दिएको छ। आन्दोलनको क्रममा
ओलीको बालकोटस्थित निजी निवासमा आगजनी भएको थियो।
ओली सेनाको औपचारिक
सुरक्षा घेराबाट बाहिरिए पनि यसबारेमा एमालेले अहिलेसम्म कुनै आधिकारिक धारणा
सार्वजनिक गरेको छैन।
- न्युज बहार संवाददाता
