जेठ २२, काठमाडौँ । प्रतिनिधि सभा बैठकमा सांसदहरुले परराष्ट्रमन्त्री एनपी साउदको विवादास्पद भनाईप्रति प्रश्न उठाएका छन् ।
भारतीय सञ्चारमाध्यमलाई भारत भ्रमणका क्रममा अन्तरवार्ता दिँदै गर्दा परराष्ट्रमन्त्री एनपी साउदले भारतले संसद भवनमा राखेको नक्सामा नेपालको लुम्बिनी समावेश गरेको नेपाल सरकारलाई थाहा नभएको बताएका थिए ।
यही विषयमा सांसद साउदको सो भनाईलाई लिएर प्रतिनिधि सभाको बैठकमा बोल्दै राष्ट्रिय स्वतन्त्र पार्टीका सांसद असिम साहले भनेका छन– ‘परराष्ट्रमन्त्रीले आजतकमा एउटा अन्तर्वार्ता दिनुभयो रिपोर्टरले कपिलवस्तु, लुम्बिनी अखण्ड भारतमा समेटेको विषयमा तपाईको देशमा विवाद भएको, प्रतिपक्षी दलले यो कुरा उठाउँदै छ भनेर बारम्बार प्रश्न गर्दा मेरो सरकारलाई जानकारी छैन भनेर उहाँले बारम्बार भन्नुभयो । हाम्रो देशको अखण्डतामा, सार्वभौमिकतामा आँच पुर्याउँदा पनि जानकारी छैन भनेर उत्तर दिइन्छ भने यस्तो पराराष्ट्रमन्त्रीले राजीनामा दिएर हिँडे हुन्छ ।’
यस्तै प्रधानमन्त्रीलाई सांसद एकनाथ ढकाल र रघुवीर महासेठले पनि भारतको संसद भवनमा भएको नक्साको बारेमा सरकारले भ्रमणको क्रममा किन प्रश्न नउठाएको भन्दै प्रश्न गरेका छन् ।
- न्युज बहार संवाददाता
