चैत २०,काठमाडौँ। नेकपा एमालेका पोलिटब्युरो सदस्य गोकुलप्रसाद बाँस्कोटाले अहिले एमालेले सञ्चालन गरिरहेको मिसन ग्रासरूटका लागि चितवनको कमाण्ड सम्हालिरहेका छन। यही क्रममा उनले आज चितवन क्षेत्र नम्बर २ मा एमालेले विजयी हुने दाबी गरेका छन्। उनले अघिल्लो पटक एमालेलाई भोट नहालेका मतदाताले पनि यसपाली हाल्ने दाबी समेत गरेका छन।
बास्कोटा आज चितवन निर्वाचन क्षेत्र नम्बर २ मा हुने उपनिर्वाचनका लागि पार्टीका उम्मेदवार रामप्रसाद न्यौपानेसँग उम्मेदवारी दर्ता गर्न मुख्य निर्वाचन अधिकृतको कार्यालय पुगेका थिए यही क्रममा उनले यहाँ अघिल्लो पटक भएको निर्वाचनलाई भदौरे बाढीको संज्ञा पनि दिएका छन।
उनले भने
‘भदौरे
बाढीले ल्याएको लेदो जति सफा भएर नारायणी कञ्चन भएको छ र चितवनमा वैशाखे पालुवा
पलाउन थालिसकेको हुनाले, चैते
हुरीको कुनै काम छैन।’
बाँस्कोटाले पहिले घन्टीमा भोट हाल्नेहरूले अब शंख बजाएर सूर्यको आरती गर्ने पनि बताएका छन।यही क्रममा बास्कोटाले भने ‘उम्मेदवारी दर्ता भयो। हामी जनताको मन, मस्तिष्क र मुटुमा बस्छौं। हार्ट क्यास, ब्रेन वास गर्ने हो, जनता कसैको मुठी भित्रको बन्धक होइन एकचोटी झुक्किन्छन् धेरै झुक्किदैनन्।’
- न्युज बहार संवाददाता
