मंसिर २७, काठमाडौँ । प्रहरीले पुनः मेडिकल व्यवसायी दुर्गा प्रसाईंलाई पक्राउ गरेको छ । उनलाई आज अदालत परिसरबाटै पक्राउ गरिएको हो । उनी आज विद्युतीय कारोबार ऐन–२०६३ अन्तर्गतको कसुरमा धरौटी बुझाएर बाहिर निस्किने बित्तिकै प्रहरीले उनलाई पुन: पक्राउ गरेको हो ।
केन्द्रीय अनुसन्धान ब्युरोका अनुसार आपराधिक लाभ सम्बन्धी कसुरमा
अनुसन्धान भइरहेको हुनाले उनलाई फेरि पक्राउ गरिएको हो ।
काठमाडौँ जिल्ला अदालतका न्यायाधीश विष्णुप्रसाद अवस्थीले प्रसाईंलाई
प्रधानमन्त्री केपी शर्मा ओलीविरुद्ध फर्जी कागजात तयार गरेको घटनामा ४० हजार
धरौटीमा छाड्न आदेश गरेका थिए । उक्त धरौटी बुझाउनसाथ उनलाई पुन पक्राउ गरिएको हो ।
- न्युज बहार संवाददाता
