भदौ १२, काठमाडौँ
। प्रहरी अतिरिक्त महानिरीक्षक किरण बज्राचार्यको
नेतृत्वमा हङकङबाट तस्करी गरेर ल्याएको ६० किलो ७ सय
१६ ग्राम सुन तस्करीबारे अनुसन्धान गर्न समिति गठन गरिएको छ ।
सो समितिको गठन प्रहरी महानिरीक्षक वसन्त कुँवरले गरेका हुन् ।
साउन २२ देखि एसपी सञ्जयसिंह थापाको कमान्डमा टिम बनाएर केन्द्रीय अनुसन्धान ब्युरोले अनुसन्धान सुरु गरेको थियो।
प्रधान कार्यालयका एक जना उच्च अधिकृतले अनुसन्धान टोलीलाई अनुगमन र सहजीकरण गर्न उच्चस्तरीय समिति गठन गरिएको प्रहरीले बताएको छ ।
- न्युज बहार संवाददाता
