भदौ १६, काठमाडौँ । सर्वोच्च अदालतको न्यायाधीश पदमा नियुक्तिका लागि सिफारिस भएका विनोद शर्माविरुद्ध आज उजुरी आह्वान गरिएको छ । संसदीय सुनुवाइ समितिले संघीय संसद् अन्तरगत सूचना प्रकाशित गर्दै उजुरी माग गरेको हो ।
सर्वोच्च अदालतको न्यायाधीश पदमा शर्मालाई नियुक्ति गर्न उपयुक्त छैन भन्ने कसैलाई लागेमा उजुरी दिन सकिने छ । उजुरी दिँदा यो सूचना प्रथम पटक प्रकाशित भएको मितिले १० दिनभित्र मर्यादित भाषामा स्पष्ट आधार एवं सबुत प्रमाण सहित समितिको सचिवालयमा वा कुनै पनि जिल्लाको जिल्ला प्रशासन कार्यालय मार्फत सूचना वा उजुरी दिन सकिनेछ सुचनामा जनाइएको छ ।
- न्युज बहार संवाददाता
