असार १३, काठमाडौँ । प्रहरीले ललिता निवास निवास जग्गा प्रकरणमा कूल ४०६ जना विरुद्ध पक्राउ अनुमति लिएको छ । आज बुधबार केन्द्रीय अनुसन्धान ब्युरो (सीआईबी) ले पत्रकार सम्मेलन गर्दै ४०६ जना विरुद्ध पक्राउ अनुमति लिएको जानकारी दिएको हो ।
बालुवटारस्थित ललिता निवासको जग्गा हिनामिना प्रकरणमा सीआईबीले मंगलबार सरकारी लिखत किर्ते गरेको कसुरमा सातजनालाई पक्राउ गरेको थियो ।
जसमध्ये अदालतबाट यसअघि नै स्टे अर्डर लिएका मालपोत कार्यालय डिल्लीबजारका तत्कालीन प्रमुख कलाधर देउजा, सुरेन्द्रमान कपाली र हुपेन्द्रमणि केसीलाई प्रहरीले कागज गराएर रिहा गरेको थियो ।
- न्युज बहार संवाददाता
