चैत ८, काठमाडौँ । पूर्व सभामुख समेत रहेका कृष्णबहादुर महरासँग पुरा बयान लिइएको छ । सरकारी वकिलको रोहबरमा दुई दिन महरासँग बयान लिइएको केन्द्रीय अनुसन्धान ब्युरोका अनुसन्धान अधिकृतहरूले बताएका छन । अनुसन्धान अधिकृतहरूले २०७९ पुस १० मा चिनियाँ नागरिक लि हासोङ्गले ७३० थान इलेक्ट्रिक चुरोट ‘भेप’ मा लुकाएर ल्याएको सुनबारे उनलाई प्रश्न गरेका छन् ।

सुन तस्करी जाँचबुझ आयोगले भेपमा सुन ल्याउने गिरोहका चिनियाँ सुन तस्कर दाओजिन वाङसँग ‘कनेक्सन’ देखिएपछि उनलाई सङ्गठित तस्करी गरेको कसुरमा मुद्दा चलाउन सिफारिस गरेको थियो । नेकपा (माओवादी केन्द्र) का उपाध्यक्ष समेत रहेका महराले चिनियाँ सुन तस्कर वाङसँग चिनजान रहेको स्वीकारेका छन् ।

बयान महराले भनेका छन्– ‘दाओजिन वाङसँग चिनजान हो, कारोबार गरेको छैन र राजनीति गर्ने हुनाले दिनमा धेरै जनाको फोन आउने र कुरा हुने पनि गरेको महराले बताएका छन्।’ 

• न्युज बहार संवाददाता