साउन ३, काठमाडौँ । पूर्व–पश्चिम राजमार्ग अन्तर्गत शिव खोलामा मालबाहक
ट्रक खसेको छ। राजमार्ग अन्तर्गत दाङ र बाँकेको सिमानामा पर्ने शिव खोलाको पुलबाट
ट्रक तल खोलामा खसेको हो ।
बाँकेको नेपालगन्जतर्फ रुपन्देहीको भैरहवाबाट जाँदै गरेको लु १ ख ८६०९ नम्बरको ट्रक आज बुधबार बिहान ४ बजेर ३० मिनेट जाँदा दुर्घटना भएको हो ।
ट्रक खोलामा खस्दा ट्रकका चालक च्यापिएको र उनको उद्धारकार्य जारी रहेको प्रहरीले जनाएको छ ।
ट्रक शिव खोलाको पुल छेउमा रहेको पुलको रेलिङ भाँच्दै खोलामा खसेको थियो । अहिले नेपाली सेना र नेपाल प्रहरीको टोली उक्त दुर्घटना स्थलमा उद्धारमा खटिएका छन्।
- न्युज बहार संवाददाता
