साउन २१, काठमाडौँ । सामाखुशी खोला माथी रहेको प्रहरी बिट काठमाडौँ महानगरले खाली गराएको छ।
काठमाडौँ महानगरपालिका-२६ का वडाध्यक्ष ख्यामराज तिवारीले खोलामाथि बनेको प्रहरी बिट शुक्रबार खाली गरिएको जानकारी दिएका छन।
अहिले प्रहरी बिट खाली छ तर त्यसलाई हटाइसकिएको छैन।
प्रहरी बिटका सम्पुर्ण सामानहरु नजिकै रहेको आशिष चर्चमा सारिएको छ। अब अन्य व्यवस्था नहुन्जेल प्रहरी बिट चर्चकै भवनमा राखिने वडाध्यक्ष तिवारीले जानकारी दिएका छन । उक्त बिटमा ६/७ जना प्रहरी बस्ने गरेका थिए।
सामाखुशी खोलालाई पूर्ववत् अवस्थामा फर्काउन काठमाडौँ महानगरपालिकाले असारदेखि स्ल्याब हटाउन सुरू गरेको हो।
- न्युज बहार संवाददाता
