भदौ ११, धनगढी । धनगढीमा रहेको स्वास्तिक अस्पतालले एक पत्थरीका बिरामीको अप्रेसनको गर्ने क्रममा किड्नी निकालेपछी बिरामीको मृत्यु भएको छ ।
कञ्चनपुरको बेलौरी नगरपालिका १० शिवनगरका ५५ वर्षीय ऐजनलाल चौधरी पत्थरीको उपचारको लागि अस्पताल भर्ना भएका थिए उनको मृत्यु भएको हो ।
भदौ ९ गते शनिबार दुबै किड्नीमा पत्थरीले गर्दा समस्या आएपछि उनलाई बिहान अस्पताल भर्ना गरिएको थियो । उनको बायाँ किड्नीमा ९ एमएम र ११ एमएम गरी २ वटा र दायाँ किड्नीमा साढे ९ एमएमको पत्थरी रहेको मृतक चौधरीका भतिजा राजकुमार चौधरीले जनाएका छन ।
अस्पतालका डाक्टरले बायाँ पट्टी किड्नीको पत्थरी निकाल्ने क्रममा किड्नी नै झिक्दा अत्याधिक रक्तश्राव भइ बिरामीको मृत्यु भएको हो आफन्तको भनाई छ ।
- न्युज बहार संवाददाता
