चैत २०, काठमाडौँ। पृथ्वी राजमार्गमा एलपी ग्यास लोड गरेको ट्यांकर पल्टिँदा एक जनाको मृत्यु भएको छ।
आज बिहान ६ बजेतिर चितवनको इच्छाकामना गाउँपालिका वडा नम्बर ४ लेवाटारमा ट्यांकर पल्टिएको हो।
युपी ७० डिटी ६०५५ नम्बरको भारतीय ट्यांकर चितवनको मुग्लिनबाट काठमाडौंतर्फ जाने क्रममा अनियन्त्रित भई सडक छेउमा पल्टिएको हो।
जिल्ला
प्रहरी कार्यालय चितवनका प्रवक्ता डिएसपी विजयराज पण्डितले दुर्घटनामा परेर एक
पुरुषको घटनास्थलमै मृत्यु भएको बताएका छन।
दुर्घटनामा
परेर अर्का एक जना व्यक्ती गम्भीर घाइते भएका छन् भने उनको पुरानो मेडिकल कलेज
भरतपुरमा उपचार भइरहेको छ।
- न्युज बहार संवाददाता
