भदौ १०, काठमाडौँ । बोर्डर आउट पोस्ट
(बीओपी) मा ड्युटीमा रहेका ९ जना सशस्त्र प्रहरीसँग सम्पर्क हुन नसकेको सशस्त्र
प्रहरीले जनाएको छ।
सशस्त्र
प्रहरीका सहप्रवक्ता तथा डीएसपी शैलेन्द्र थापाका अनुसार बीओपीमा खटिएका ९ जना
सुरक्षाकर्मी हालसम्म सम्पर्कविहीन अवस्थामा छन्। उनीहरूसँग सम्पर्क स्थापित गर्न
विभिन्न माध्यमबाट प्रयास भइरहे पनि अहिलेसम्म कुनै जानकारी प्राप्त हुन सकेको छैन।
सम्पर्कविहीन
सुरक्षाकर्मीको अवस्थाबारे जानकारी लिन तथा सम्भावित उद्धारका लागि सुरक्षाकर्मीको
टोली परिचालन गरिएको छ। घटनास्थलको अवस्था तथा उनीहरूको वास्तविक अवस्थाबारे
विस्तृत विवरण भने आउन बाँकी रहेको प्रहरीले जनाएको छ।
सुरक्षा
निकायले सम्पर्कविहीन सुरक्षाकर्मीको खोजी तथा उद्धारलाई प्राथमिकतामा राखेर
आवश्यक प्रयास जारी राखेको छ।
- न्युज बहार संवाददाता
