माघ २५, काठमाडौँ । काठमाडौंको बत्तिसपुतलीबाट भोज
खाएर निस्केका एक पुरुषको हत्या भएको छ । हिजो मंगलबार साँझ करिब ९ बजेर ३०
मिनेटमा घर जान भनेर निस्केका ध्रुव खड्कालाई एक अपरिचित युवकले ‘घर लगिदिन्छु’ भनेर रातोपुलमा लगेर हत्या
गरेका खुल्न आएको छ ।
कपन बस्ने करिब ५५ वर्षका ध्रुव खड्का पर्सा स्थायी घर भएका ध्रुव
पार्टी बाट घर जान भनि मूल सडकमा निस्केका थिए । मापसे गरेका उनलाई घर
लगिदिन्छु भनेर कुनै एक अपरिचित युवकले ट्याक्सिमा चढाए । ट्याक्सिमा
चढाउने व्यक्ती चितवन घर भएका कपन बस्ने राम थापा रहेको प्रहरीको अनुसन्धानबाट थाहा
भएको छ ।
खड्कालाई
रातोपुल नजिक पुगेपछि ट्याक्सिबाट उतारेर थापाले ट्याक्सिलाई फिर्ता पठाइदिए ।
ट्याक्सिबाट उनलाई उतारेर बीभत्स तरिकाले कुटेर उनको हत्या गरेको अनुसन्धानमा
संलग्न एकजना प्रहरी अधिकृतले बताए ।
ठमेल र दरबारमार्ग क्षेत्रमा राम थापा रातभर गाँजा बेच्छन् । थापा साइकलमा गाँजा बेच्दै बत्तिसपुतली पुगेका थिए लागुऔषध दुर्व्यसनीको लतमा परेका उनले ध्रुव खड्का मापसे गरेर हिँडेको र एक्लै देखेपछि लुट्ने नियतले रातोपुलमा लगेर पहिले भित्तामा अनुहार ठोक्काएको र त्यसपछि छातीमा लात्तिले हिर्काएर हत्या गरेको प्रहरीको प्ररम्बिक अनुसन्धानबाट खुलेको छ । प्रहरी वृत्त गौशालाले आरोपीलाई कपनबाट पक्राउ गरेर अनुसन्धान गरिरहेको छ ।
