बैशाख २२, संखुवासभा। आज शुक्रबार दिउँसो अन्दाजी सवा १ बजेतिर डोरीमा सामान बाँधेर उडेको एउटा हेलिकप्टर संखुवासभामा दुर्घटना भएको छ।
उक्त दुर्घटनामा गम्भीर घाइते भएका क्याप्टेनसहित ३ जनालाई थप उपचारका लागि हेलिकप्टरमार्फत काठमाडौं ल्याइएको छ ।
प्रहरी कार्यालयका प्रवक्ता भुवनबाबु खड्काले गम्भीर घाइते भएका ३ जनालाई काठमाडौं पठाइएको र उनिहरुको अवस्था सामान्य रहेका जानकारी गराएका छन । २ जनाको भने खाँदीबारीमै उपचार भइरहेको छ। माथिल्लो अरूण जलविद्युत् परियोजनाको सामान हेलिकप्टरले बोकेर ल्याइरहेको थियो।
तलबाट हेर्दा परियोजनाको सामान लिफ्टिङ गर्ने क्रममा दुर्घटना भएको देखिन्छ। भने रूख या कुनै वस्तुमा ठोक्किएर अनियन्त्रित भएको हुन सक्ने हनुमान गरिएको छ। तर दुर्घटनाको कारण भने खुलिसकेको छैन।
- न्युज बहार संवाददाता
