कार्तिक १, काठमाडौँ । आजदेखि काठमाडौँ महानगरपालिका
भित्रका ३ वटा सडक खण्ड एकतर्फी बनाइएको छ ।
आजदेखि त्रिपुरेश्वरतर्फबाट
काठमाडौं–ललितपुर
जोड्ने सेतोपुल (नयाँ पुल) हुँदै गुसिङ्गाल निस्किने सडक र कमलादी मोडबाट
प्रज्ञाभवन हुँदै घण्टाघर निस्किने सडक तथा दरबारमार्गस्थित महेन्द्र शालिकबाट
कृष्णपाउरोटी चोकभन्दा तल (काठमाडौं प्लाजानेर) पुग्ने सडक र एकतर्फी बनाइएको काठमाडौँ
महानगरपालिकाका ट्राफिक विज्ञ जगतमान श्रेष्ठले जानकारी दिएका छन ।
अब काठमाडौं–ललितपुर जोड्ने सेतोपुल (नयाँ पुल)को
बाटो त्रिपुरेश्वरतिरबाट प्रवेश गर्न पाइए पनि ललितपुरतर्फबाट त्रिपुरेश्वरतिर
आउँदा नयाँ पुल कटेर वायाँतर्फ मोडिएर आउनुपर्ने छ । त्रिपुरेश्वरबाट ललितपुरतिर
जाँदा मिलन टोल, नयाँ पुल
हुँदै जानुपर्ने भएको छ ।
यसैगरी अब
एकतर्फी भएपछी पुतलीसडकबाट काठमाडौँ प्लाजा हुँदै हात्तीसारतर्फको सडक खण्डमा काठमाडौं
प्लाजाबाट वायाँ मोडिएर महेन्द्र शालिकतर्फ जान पाइने छैन भने जमल र दरबारमार्गबाट
रत्नपार्कतर्फ आउँदा त्रिचन्द्र क्याम्पस अगाडिबाट बायाँ मोडिएर गणेशस्थान, प्रज्ञाभवन हुँदै कमलादी मोडतर्फ आउन नपाइने
भएको छ।
- न्युज बहार संवाददाता
