असार २, काठमाडौँ । शनिबार लितपुरमा बस दुर्घटना भएको छ । बा२ख ८५८३ नम्बरको बस आज शनिबार बिहान लामाटारबाट लगनखेलतर्फ आउँदै गर्दा महालक्ष्मी नगरपालिका-१ बाहुनधारामा दुर्घटना भएको प्रहरीले जनाएको छ ।
इमाडोल प्रहरी प्रभागले बस अनियन्त्रित भई सडकमै पल्टिएको र चालकसहित केही व्यक्ति घाइते भएको जानकारी दिएको छ ।
बसमा २४ जना सवार रहेका थिए । तर, दुर्घटनामा घाइतेहरू संख्या र पहिचान यकिन भइनसकेको प्रहरीले जनाएको छ भने दुर्घटनामा घाइते भएकाहरुलाई उपचारका लागि बी एण्ड बी अस्पतालमा लगिएको छ ।
- न्युज बहार संवाददाता
