कार्तिक १४, काठमाडौँ । एक जना प्रहरी जवान नेपालीलाई
भिजिट भिसामा नक्कली कागजात बनाएर विदेश पठाउने गिरोहमा संलग्न रहेको आरोपमा पक्राउ
परेका छन् ।
एसपी
रवीन्द्र रेग्मीका अनुसार उपत्यका अपराध अनुसन्धान कार्यालयले त्रिभुवन
अन्तर्राष्ट्रिय विमानस्थल सुरक्षा प्रहरी कार्यालयमा कार्यरत प्रहरी जवान जीवराज
तामाङलाई पक्राउ गरेको हो ।
यही प्रकरणमा प्रहरीले उदयपुरका
३० वर्षीय आशिष श्रेष्ठलाई पनि पक्राउ गरेको छ । ५ लाख रुपैयाँ लिएर श्रेष्ठले भिजिट
भिसामा एक व्यक्तिलाई विदेश पठाउन लागेका थिए । यसै प्रयोजनको लागि उनले प्लस टुको
सर्टिफिकेट नक्कली बनाइदिएका थिए ।
- न्युज बहार संवाददाता
