साउन २१, काठमाडौँ । काठमाडौँ जिल्लाको तारकेश्वर नगरपालिकामा पहिरो गएको छ । तारकेश्वर नगरपालिकाको चो गाउँमा पहिरोले घर पुरीँदा बाबु-छोरीको मृत्यु भएको छ ।
गएको राती करिब आठ बजेतिर एक्कासी आएको पहिरोले घर पुरीँदा गणेश तामाङ र उनकी छोरीको मृत्यु भएको हो।
बुवाको घटनास्थलमै र छोरीको अस्पतालमा उपचारको क्रममा मृत्यु भएको नगरपालिकाका मेयर कृष्णहरि महर्जनले उल्लेख गरेका छन ।
गणेशकी श्रीमती भने घाइते भएकी छन् भने छोरा भने सकुशल रहेको मेयरले जनाएका छन ।
- न्युज बहार संवाददाता
