बैशाख
२, पोखरा । आज शनिबार पोखरामा एक बालक सेती खोंचमा खसेका छन् ।
वडा प्रहरी कार्यालय रामबजारका इन्स्पेक्टर माधव केसीले शनिबार दिउँसो खेल्ने क्रममा पोखरा ८ का स्मिथ पराजुली सेती खोंचमा खसेको बताएका छन । केसीकाअनुसार पोखरा ८ नागढुंगा बस्ने स्मिथ तीनजना साथीसँग मिलेर खेल मैदानमा जाँदै गर्दा सेती खोंचमा खस्न पुगेका हुन।
इन्स्पेक्टर केसीले भने ‘घरबाट निस्केर खेल्न पोखरा १५ स्थित हरियो खर्कको खेलमैदानमा जाँदै गर्दा सेती नजिकैको भ्वाङमा परेको देखिएको छ,’ । शनिबार दिउँसो ३ बजेको समय तिर खोंचमा खसेपछि जिल्ला प्रहरी कार्यालय कास्कीको उद्धार टोलीले स्मिथको खोजीकार्य र उद्धार प्रयास गरिरहेको जानकारी गराएको छ । भ्वाङभित्र जान निकै अप्ठ्यारो भएकाले उद्धार गर्न कठिन भएको प्रहरीले जनाएको छ।
- न्युज बहार संवाददाता
