जेठ ७, धनगढी । बझाङमा गएको हिमपहिरोमा परी ३ जना बेपत्ता भएका छन् भने दुई जना घाइते भएका छन् ।
जिल्ला प्रहरी कार्यालय बझाङका प्रमुख प्रहरी नायब उपरीक्षक(डीएसपी) जागेश्वर भण्डारीले आज आइतबार बिहान सुर्मा गाउँपालिका–२ को धानशेरा भन्ने ठाउँमा गएको हिमपहिरोमा परि तीन जना बेपत्ता र दुई जना घाइते भएको खबर आएको बताएका छन ।
अहिले घटनास्थलतर्फ प्रहरी टोली गएको भण्डारीले जानकारी दिएका छन । तर घटनास्थल निकै टाढा भएकाले टोली पुग्न समय लागिरहेको उनले बताएका छन ।
- न्युज बहार संवाददाता
