चैत ८, पर्सा। चितुवाको आक्रमणबाट पर्सामा २ जना व्यक्ती घाइते भएका छन् ।
चितुवाको आक्रमणबाट पोखरिया-४ सतवरिया बस्ने हरिन्द्र साह तेली र ईलाका प्रहरी कार्यालय पोखरियामा कार्यरत प्रहरी सहायक प्रहरी हवल्दार सुचिन्द्र प्रसाद यादव घाइते भएका हुन् । चितुवा जंगलबाट बस्ती तर्फ पसेको हो।
घाईते उनीहरु दुबैको टाउको, हात, निधार, लगायत शरीरका विभिन्न भागमा घाउ चोट लागेको छ । त्यस्तै चितुवा बस्ती पसेपछी चितुवालाई हेर्न भनि गएका सोही वडाका दिल महम्मद मियाँ भने लडेर सामान्य घाइते भएका छन्।
वस्तुभाउ
नभएको रित्तो गोठमा चितुवा पसेपछि स्थानीयले हो-हल्ला गरेरे चितुवा भगाउन खोज्ने क्रममा
चितुवाले स्थानीयलाई समेत आक्रमण गरेको थियो । प्रहरी सहायक हवल्दारले पनि चितुवालाई
नियन्त्रणमा लिन खोज्दा कोपरेको स्थानीयले बताएका छन् ।
जिल्ला प्रहरी कार्यालय पर्साका
प्रवक्ता प्रहरी नायब उपरीक्षक दिपक गिरीले अहिले चितवनबाट आएको प्राविधिक टोलीले
चितुवा नियन्त्रणमा लिने प्रयास गरिरहेको जानकारी दिएका छन् ।
- न्युज बहार संवाददाता
