चैत २४, काठमाडौँ । राष्ट्रिय
स्वतन्त्र पार्टीका उपसभापति तथा श्रम रोजगार तथा सामाजिक सुरक्षामन्त्री डोलप्रसाद अर्यालले
रास्वपा आएपछि कांग्रेसका युवा नेताहरूलाई छटपटी भएको बताएका छन्।
मन्त्री
अर्यालले आज शनिबार काठमाडौँमा आयोजित एक कार्यक्रममा देशको नेतृत्व गर्न
कांग्रेसमा पालो कुरेर बसेका युवा नेताहरू रास्वपा आएपछि आफ्नो पालो नआउने डरले
छटपटाएको बताएका छन ।
मन्त्री
अर्यालले भने ‘उहाँहरुलाई
कांग्रेसमा एउटा पुस्ता सकिएपछि हाम्रो पालो आउँछ भन्ने थियो होला तर रास्वपा आयो, अब त त्यो पुस्ता सकिएपछि पनि
हाम्रो पालो नआउने भयो भन्ने छटपटीले उहाँहरुमा पिरोलेको छ।’
उनले त्यही पीरका कारण अहिले कांग्रेसका युवा नेताहरू रास्वपाको
विरोध गरिरहेको समेत बताए । अर्यालका अनुसार जनताले भोट हाल्न राम्रो काम गर्न
सक्नुपर्ने हुन्छ ।
- न्युज बहार संवाददाता
