चैत ६, काठमाडौँ । नेपाली कांग्रेसले आफूमाथि परेको सामान्य उजुरीमा संसदीय छानबिन र राजीनामा माग्नु बेठीक भएको उपप्रधानमन्त्री तथा गृहमन्त्री रवि लामिछानेले बताएका छन् ।

कांग्रेस प्रमुख सचेतक रमेश लेखकले आज मंगलबारको प्रतिनिधिसभाको बैठकमा बोल्दै उपप्रधानमन्त्री रवि लामिछाने जोडिएको सहकारी ठगी प्रकरणमा संसदीय छानबिन गर्न माग गरेका थिए । उपप्रधानमन्त्री लामिछानेले संसद बैठक सकिएपछि पत्रकारहरुसँग कुरा गर्दै कांग्रेसले सामान्य उजुरीमा नै संसदीय छानबिन माग गरेर गलत अभ्यास सिकाउन खोजेको टिप्पणी गरेका छन ।

यस  वियमा लामिछानेले भने ‘एउटा पूरक, ठाडो उजुरीमा संसद अवरुद्ध गर्ने अभ्यास सिकाउन खोजेको हो भने नेपाली कांग्रेस दुधले नुहाएको पार्टी हो कि होइन भन्ने कुरा नेपाली जनताले पनि बुझेका छन् । ठाडो उजुरीमा संसद अवरुद्ध गर्ने हो भने यसमा अडिरहन आग्रह गर्दछु र फेरी पनि भन्छु हामीले कामले जवाफ दिने हो।’                        

• न्युज बहार संवाददाता