मंसिर २९, काठमाडौँ । काठमाडौँ महानगरपालिकाले गरेको सकारात्मक
कामबाट संघीय सरकारलाई पनि उत्प्रेरणा मिलेको प्रधानमन्त्री पुष्पकमल दाहाल ‘प्रचण्ड’ले बताएका छन्।
काठमाडौँ
महानगरपालिकाले २९ औं महानगर दिवसका अवसरमा गरेको समारोहलाई सम्बोधन गर्दै
प्रधानमन्त्री प्रचण्डले महानगरले गरेका सकारात्मक कामहरू आफूले नियालीरहेको र
यसले संघीय सरकारलाई पनि प्रेरणा दिएको बताएका हुन्।
समारोहलाई सम्बोधन गर्दै प्रधानमन्त्रीले भने ‘शहरको सौन्दर्य, शिक्षाको व्यवस्थापन एवं विकास, सांस्कृतिक सम्पदाहरू संरक्षण, सार्वजनिक शौचालयहरूको निर्माण
र व्यवस्थापन, लागू औषध, सूर्ति–चुरोट लगायतका वस्तुमा लगाएको
नियमन, छात्रवृत्ति, रोजगारी सिर्जना लगायतका
क्षेत्रमा महानगरले जे–जति पहल
लिएको छ, यसले संघीय
सरकारलाई समेत सकारात्मक उत्प्रेरणा पैदा गरिरहेको छ
।
महानगरको नेतृत्व र टिमलाई उनले सकारात्मक कार्यमा अविचलित भई
अगाडि बढ्नका लागि अपिलसमेत गरेका छन ।
- न्युज बहार संवाददाता
