फागुन
२१, काठमाडौँ । आफ्नो पार्टी नयाँ गठबन्धनमा सामेल नहुने राप्रपा - राष्ट्रिय
प्रजातन्त्र पार्टीका अध्यक्ष राजेन्द्र लिङ्देनले बताएका छन ।
आज
फेरिनलागेको सत्ता समिकरणमा राप्रपा सामेल नहुने पार्टीका अध्यक्ष लिङ्देनले बताएका हुन । नेकपा एमालेसहितको नयाँ गठबन्धन
बनाएपछि राप्रपाले के गर्छ भन्ने सर्वत्र चासो रहेको समयमा उनले आफ्नो पार्टी
सरकारमा सामेल नहुने स्पष्ट पारेका छन ।
तर यसअघि
पुस १० मा बनेको एमालेसहितको गठबन्धनमा भने राप्रपा सामेल भएको थियो । लिङ्देनका
अनुसार राप्रपा वर्तमान सत्ता केन्द्रित चलखेलमा सामेल छैन र हुँदैन।
लिङ्देनले भने "वर्तमान समस्याको समाधान सरकार परिवर्तन होइन अवस्था परिवर्तन हो, राप्रपा अहिले यही बाटोमा छ।"
- न्युज बहार संवाददाता
