असोज
२, काठमाडौँ। सभामुख देवराज घिमिरेले प्रतिनिधिसभा
विघटन नगरी संसदभित्रै समाधान खोजिएको भए अझ राम्रो हुने धारणा राखेका छन्। नयाँ
बानेश्वरस्थित संसद् भवनमा भदौ २३ र २४ गतेको जेनजी आन्दोलनका क्रममा भएको क्षति
अवलोकन गर्न पुगेका घिमिरेले पत्रकारहरूसँग कुरा गर्दै यस्तो बताएका हुन्।
उनले संसद् विघटनको
सट्टा राजनीतिक समस्याको समाधान संसदबाटै खोजिएको भए लोकतान्त्रिक प्रक्रिया बलियो
हुने बताए। सभामुख घिमिरेले जेनजी आन्दोलनमा भएका घटनालाई दुःखद बताएका छन् र
अहिलेको परिस्थितिबाट बाहिर निस्किएर सही दिशामा अघि बढ्न सबै पक्षको दायित्व भएको
उल्लेख गरेका छन्।
- न्युज बहार संवाददाता
