जेठ ३०, काठमाडौँ । आगामी आर्थिक वर्षदेखि सबै राष्ट्रसेवकहरूको
नतिजासूचक सहितको कार्यसम्पादनमा आधारित मूल्याङ्कन प्रणालीको विकास गरी
कार्यान्यवन गर्न प्रधानमन्त्री पुष्पकमल दाहाल ‘प्रचण्ड’ले निर्देशन दिएका छन्।
प्रधानमन्त्री
प्रचण्डले आज बुधबार सिंहदरबारमा आयोजित चालु आर्थिक वर्षको तेस्रो त्रैमासिक
प्रगति समीक्षा तथा मन्त्रालयस्तरीय विकास समस्या समाधान समिति बैठकमा सबैको
कार्यसम्पादनस्तर र व्यवहारमा समेत रूपान्तरण आवश्यक भएको बताएका हुन ।
प्रधानमन्त्री प्रचण्डले यस विषयमा भने, ‘यस कार्यालयलाई शासकीय मामिलाको वास्तविक केन्द्र
बनाउने हो, ताली पड्काउने, हजुर, हस्, भइहाल्छ जस्ता भाष्य मात्र होइन, हामी सबैको कार्यसम्पादनस्तर र व्यवहारमा समेत
रूपान्तरण आवश्यक छ।’
- न्युज बहार संवाददाता
