जेठ २०,
काठमाडौँ । क्रिकेटर सन्दीप लामिछानेलाई अमेरिकाले भिसा नदिनु सिंगो नेपालमाथिको
अपमान भएको राष्ट्रिय प्रजातन्त्र पार्टीका सांसद ज्ञानबहादुर(ज्ञानेन्द्र) शाहीले
बताएका छन् ।
सांसद
शाहीले आज आइतबार प्रतिनिधि सभाको विशेष समयामा बोल्दै जुन देशले विश्वकप
क्रिकेटको आयोजना गरेको छ उही देशले भिसा नदिएको विषयमा परराष्ट्र नीति के हो
भन्दै प्रश्न समेत गरेका छन् ।
उच्च
अदालतले निर्दोष भएको फैसला गरेको, क्यान र आइसीसीले स्वीकृत
गरेपनि खेलाडीलाई भिसा नदिँदा प्रधानमन्त्री र मन्त्रीलाई झण्डा हल्लाएर हिँड्न
लाज लाग्दैन भन्दै उनले नेताहरुसँग प्रश्न पनि गरेका छन ।
उनले
विश्वकपमा खेल्न जाँन आफ्नो खेलाडीलाई भिसा नदिँदा चुप लागेर बस्ने परराष्ट्र मन्त्रालय
र खेलकुद मन्त्रालय नचाहिँने समेत बताएका छन ।
उनले भने ‘विश्वले रुचाएको र विश्वका
ठूल्ठूला खेलाडीलाई पछारेको सन्दीप लामिछानेको भिसा लाग्दैन। सिंहलाई खोरमा राखेर
नेपालको बेइज्जत गर्न खोजिएको हो, सन्दीपले भिसा नपाउनु भनेको उनी र सम्पूर्ण
नेपालीको मात्र अपमान होइन यो त सिङ्गो देशमाथिको अपमान हो।’ नेपाललाई संसारमा कसैले चिनाउँछ भने कि त खेलाडीले हो की त
कलाकारले, हो नेताले होइन।’
- न्युज बहार संवाददाता
