फागुन १९, काठमाडौँ । घुस लिएको रकमसहित
महोत्तरीबाट दुई जनालाई अख्तियार दुरूपयोग अनुसन्धान आयोगले पक्राउ गरेको छ।
घुस लिएको
रकमसहित भूमिसुधार तथा मालपोत कार्यालय, जलेश्वर, महोत्तरीका नायब सुब्बा (नासु) रामकृष्ण
पण्डित र श्रीसुभाष भू–सेवा
केन्द्र, जलेश्वरका
लेखापढी व्यवसायी सुभाष चन्द्रलाल कर्ण पक्राउ परेका हुन् ।
उनीहरूलाई सेवाग्राहीबाट ९ हजार
रुपैयाँ घुस लिइसकेको अवस्थामा अख्तियारको कार्यालय बर्दिवासबाट खटिएको टोलीले पक्राउ
गरेको अख्तियारका प्रवक्ता भोला दहालले जानकारी दिए ।
उनीहरूलाई श्रीसुभाष
भू–सेवा
केन्द्र जलेश्वर महोत्तरीबाट नियन्त्रणमा लिएर थप अनुसन्धान भइरहेको अख्तियारका
प्रवक्ता भोला दहालको भनाइ छ ।
- न्युज बहार संवाददाता
