माघ २४, काठमाडौं
। आगामी चैत महिना अघि चितवन क्षेत्र नम्बर २ मा उपनिर्वाचन सम्भव नहुने प्रमुख
निर्वाचन आयुक्त दिनेशकुमार थपलियाले बताएका छन् ।
राष्ट्रपतिको
निर्वाचनअघि उपनिर्वाचन गर्न समय नपुग्ने भन्दै मतदाता नामावली अद्यावधिक गरेर
मात्र उपनिर्वाचनको प्रक्रिया सुरु हुने उनले बताएका हुन् ।
उनले भने,‘ सरकारसँग सुरक्षा र बजेट माग गरेर उपनिर्वाचनको मिति आयोगले नै तोक्ने हो'।
आयुक्त थपलियाले भने, ‘उपनिर्वाचन गर्न आयोगलाई कुनै समस्या छैन, बजेट छँदैछ, सामान छँदैछ । सरकारले पनि ढिलो गर्ने भनेको छैन जस्तो लाग्छ, हामी त चुनाव गर्न अधिकार पाएर बसेको मान्छेले ढिलो गर्ने त कुरै छैन"।छिटोमा आगामी चैत मसान्तपछि मात्र उप निर्वाचन गर्न सकिने बताउँदै उनले राष्ट्रपतिको निर्वाचन अघि उपनिर्वाचनको सम्भावना नरहेको जानकारी दिएका छन ।
