चैत २, काठमाडौँ । सरकारले पेट्रोलियम पदार्थको भाउ घटेको जानकारी
दिएको छ।
नेपाल
आयल निगमले शनिबार बिहान एक बजेबाट लागू हुने गरी मट्टीतेल, डिजेल
र पेट्रोलको
भाउ घटाएको हो।
एक
विज्ञप्ति जारी गरी निगमले डिजेल तथा मट्टीतेल दुई रूपैयाँ तथा पेट्रोलमा
प्रतिलिटर एक रूपैयाँ घटाएको जानकारी दिएको हो।
निगमले भारतीय
आयल कर्पोरेसन (आइओसी) ले पठाएको मूल्यसूची अनुसार नयाँ भाउ तोकेको जनाएको छ ।
आइओसीले
पेट्रोलमा प्रतिलिटर १ रूपैयाँ २२ पैसा र डिजेलमा २ रूपैयाँ ०६ पैसा घटाएर नयाँ
मूल्य सूची पठाएको छ। यता खाना पकाउने ग्यासको भाउ भने यथावत नै रहेको छ ।
तेस्रो वर्गअन्तर्गत दिपायल, काठमाडौँ र पोखरा लगायत क्षेत्रमा अब पेट्रोलको भाउ १७१ रूपैयाँ प्रतिलिटर पर्नेछ भने डिजेल र मट्टीतेल १५८ रूपैयाँमा पाइने छ ।
- न्युज बहार संवाददाता
